មនុស្សមានចរិត ៣ ប្រភេទ ចូលចិត្តនិយាយច្រើន ងាយបង្កជម្លោះ ដែលអ្នកមិនគួរយកខ្លួនក្បែរ
កាលណាមនុស្សនិយាយច្រើន និយាយតាមអំពើចិត្ត ច្បាស់ណាស់ពួកគេប្រាកដជាមិនអាចគ្រប់គ្រងបាននូវការនិយាយដោយមិនគិត មិនដឹងថាពាក្យអ្វីត្រូវនិយាយ ពាក្យអ្វីល្អ ពាក្យអ្វីអាក្រក់ រហូតអាចបង្កជាជម្លោះរវាងមនុស្សជុំវិញខ្លួនថែមទៀតផងដែ។ ខាងក្រោមនេះជាមនុស្ស ៣ ប្រភេទ ដែលអ្នកគួរតែប្រយ័ត្ន៖
១.មនុស្សពេលជួបបញ្ហាតែងអន់ចិត្តនឹងអ្នកដទៃ
ក្នុងជីវិតប្រចាំថ្ងៃ មនុស្សជាច្រើនតែងមានការអាក់អន់ចិត្ត ហើយចូលចិត្តបន្ទោសអ្នកដទៃ ឬឪពុកម្តាយថាអយុត្តិធម៌ បន្ទោសលើការងារច្រើនពេក បន្ទោសមិត្តភ័ក្តិ និងសាច់ញាតិមិនយល់ចិត្ត។
ការអាក់អន់ចិត្តគឺជាអារម្មណ៍បណ្ដោះអាសន្ន ដែលអាចធ្វើឱ្យទំនាក់ទំនងកាន់តែតានតឹង ហើយបង្កជម្លោះកាន់តែងាយ។ កត្តាទាំងនេះ មិនត្រឹមតែធ្វើឱ្យសុខភាពខ្លួនឯងកាន់តែអាក្រក់ប៉ុណ្ណោះទេ ប៉ុន្តែថែមទាំងធ្វើឱ្យសាច់ញាតិ និងមិត្តភ័ក្តិឃ្លាតឆ្ងាយពីបន្តិចម្តងៗទៀតផង។
ការអន់ចិត្តគឺជារឿងដែលគ្មានប្រយោជន៍បំផុតក្នុងលោក ដែលជាការបង្ហាញឱ្យឃើញពីការទទួលស្គាល់ភាពទន់ខ្សោយ។ មនុស្សម្នាក់ដែលមិនអាចរៀនអត់ធ្មត់រាល់ពេលដែលគាត់ជួបបញ្ហា ប្រាកដជាមិនអាចរៀនពីរបៀបស៊ូទ្រាំ និងយកឈ្នះបានឡើយ។
២.បុគ្គលដែលចូលចិត្តនិយាយអាក្រក់ពេកក្រៃ
សម្រាប់មនុស្សម្នាក់ ការនិយាយមានសារៈសំខាន់ណាស់ ហើយការនិយាយគំរោះគំរើយ ជាទម្លាប់ដែលកាត់បន្ថយគុណធម៌។ បើមនុស្សនិយាយពាក្យគំរោះគំរើយ ពាក្យគ្មានសីលធម៌មិនខ្លាចនឹងនិយាយ នោះកម្មនៃពាក្យសម្ដីរបស់ខ្លួនកាន់តែច្រើនឡើងពីមួយថ្ងៃទៅមួយថ្ងៃ រហូតនៅទីបញ្ចប់នឹងទទួលបានភាពល្វីងជូរចត់។
បើពាក្យសម្ដីដែលនិយាយមានភាពសាហាវពេក ដែលអាចធ្វើឲ្យអ្នកដទៃខ្លាច ជាការពិតណាស់ អ្នកមិនគួរនិយាយធ្វើឱ្យអ្នកដទៃឈឺចាប់ឡើយ។ ការមើលងាយ តែងតែនាំទាំងការឈឺចាប់ដល់អ្នកដ៏ទៃ និងនាំមកនូវការអាក់អន់ចិត្ត។ ដូច្នេះ ពាក្យមិនពិត និយាយអាក្រក់ពីអ្នកដទៃជាដាច់ខាត មិនត្រូវនិយាយឡើយ។
៣.មនុស្សចូលចិត្តនិយាយបំពាន
ពេលមនុស្សនិយាយច្រើន និយាយតាមតែចិត្ត មិនអាចគ្រប់គ្រងបាន និយាយដោយមិនគិត មិនដឹងថាត្រូវនិយាយពាក្យណា ច្បាស់ជាធ្វើឱ្យមានជម្លោះកាន់តែខ្លាំងរវាងមនុស្សជុំវិញខ្លួន។
ពាក្យមិនពិតមិនគួរនិយាយដោយមិនរើសមុខ កុំបង្កបញ្ហាធំដោយសារតែឈ្លោះគ្នាបន្តិចបន្តួច មិនថាជាមិត្តភ័ក្តិជិតស្និទ្ធ ឬក្រុមគ្រួសារទេ កុំលូកដៃចូលក្នុងជីវិតគេ។
ប្រភព៖ បរទេស
ព័ត៌មានថ្មីៗ
