បុរាណពោលថា៖ មុនចូលគេងគួរយកវត្ថុទាំងនេះដាក់ក្រោមខ្នើយ នោះលាភសំណាងនឹងហូរចូលគ្រួសារគ្មានដែនកំណត់
តាមទស្សនៈរបស់មនុស្សបុរាណ បង្ហាញឲ្យដឹងថា ការដាក់វត្ថុទាំងនេះនៅក្រោមខ្នើយនឹងជួយបួងសួងសុំលាភជ័យ និងនាំសំណាងដល់ក្រុមគ្រួសារ។ សូមអនុវត្តចាប់ឥឡូវនេះ អ្នកនឹងឃើញលទ្ធផលឆាប់៖
ដាក់ថង់សណ្តែកក្រហមនៅក្រោមខ្នើយ
នៅក្នុងគំនិតហុងស៊ុយ សណ្តែកក្រហមជានិមិត្តរូបនៃសំណាងល្អ។ ក្រហមជាពណ៌ដែលនាំលាភសំណាង និងមានសមត្ថភាពក្នុងការបណ្តេញសំណាងអាក្រក់។
លើសពីនេះ សណ្ដែកក្រហមក៏ជួយឲ្យជោគវាសនារបស់អ្នកដំណើរទៅកាន់ទិសល្អ សេចក្តីល្អ ដំណើររលូនល្អ។ អ្នកគ្រាន់តែត្រូវរៀបចំកាបូបស្ពាយតូចមួយ ហើយដាក់សណ្តែកក្រហមដែលមិនមានដង្កូវស៊ីក្រោមខ្នើយជាការស្រេច។ យ៉ាងណា ពេលដាក់សណ្តែកក្រហមក្នុងថង់ត្រូវប្រយ័ត្ន បើបុរសត្រូវប្រើ ៧ គ្រាប់ ស្រីប្រើ ៩ គ្រាប់ នឹងត្រូវផ្លាស់ប្តូរសណ្តែកក្រហមម្តងក្នុងមួយសប្តាហ៍។
ដាក់កាក់បុរាណនៅក្រោមខ្នើយ
តើតម្រុយហុងស៊ុយនេះមានន័យដូចម្តេច? តាមទស្សនៈហុងស៊ុយ កាក់បុរាណមានរាងមូល មានរន្ធការ៉េដាល់នៅកណ្តាល រង្វង់ធំតំណាងឱ្យមេឃដែលផ្ទុកថាមពលវិជ្ជមាន។ ទន្ទឹមនឹងនេះ ការ៉េតំណាងឱ្យផែនដី ដែលផ្ទុកយិនស៊ិន ដូច្នេះកាក់តំណាងឱ្យភាពសុខដុមនៃស្ថានសួគ៌ - ផែនដី យិន - យ៉ាង ហើយក៏ត្រូវបានគេចាត់ទុកថា ជាប្រភពនៃអ្វីៗទាំងអស់។
*ដាក់កាក់បុរាណនៅក្រោមខ្នើយ (បួងសួងសុំសេចក្តីសុខក្នុងគ្រួសារ)
ការដាក់កាក់បុរាណនៅក្រោមខ្នើយ នឹងជួយបួងសួងសុំសេចក្តីសុខ និងផ្តល់ភាពកក់ក្តៅដល់គ្រួសារ។ លើសពីនេះ មនុស្សជាច្រើនជឿថា ការដាក់កាក់បុរាណនៅក្រោមខ្នើយ នឹងជួយឱ្យមនុស្សចាស់គេងលក់ស្រួល និងមានសុខភាពបរិបូរណ៍។
*ដាក់កាក់បុរាណនៅក្រោមខ្នើយ (បណ្តេញវិញ្ញាណអាក្រក់ទាក់ទាញសំណាង)
កាក់បុរាណគឺជាវត្ថុហុងស៊ុយដ៏ពេញនិយម ប្រើសម្រាប់គោលបំណងផ្សេងៗគ្នាជាច្រើន ដោយមួយក្នុងចំនោមពួកគេគឺជួយក្នុងការបន្សាបជម្លោះបណ្តេញវិញ្ញាណអាក្រក់នៅក្នុងផ្ទះនិងនាំសំណាងល្អដល់គ្រួសារ។ ហេតុនេះ អ្នកអាចដាក់កាក់បុរាណនៅក្រោមខ្នើយ ដើម្បីសំណាងល្អសម្រាប់សមាជិកគ្រួសារ។
*ដាក់កាក់បុរាណនៅក្រោមខ្នើយ (ទាក់ទាញសំណាង)
អត្ថន័យដ៏សំខាន់មួយនៃការដាក់កាក់បុរាណនៅក្រោមខ្នើយគឺដើម្បីទាក់ទាញសំណាងល្អ។ មនុស្សជាច្រើនមានជំនឿថា ការអនុវត្តតម្រុយហុងស៊ុយនេះនឹងជួយបង្កើនសំណាងនិងភាពរុងរឿងដល់មនុស្សក្នុងផ្ទះ។ លើសពីនេះ ការដាក់កាក់នៅក្រោមខ្នើយតំណាងឱ្យក្តីសង្ឃឹមដែលសុបិននឹងក្លាយជាការពិតជាក់ជាមិនខាន។
ចំណាំ៖ ៣ យ៉ាងដែលអ្នកមិនគួរដាក់ក្រោមខ្នើយ
កញ្ចក់៖ តាមហុងស៊ុយ កញ្ចក់មានឥទ្ធិពលការពារវិញ្ញាណអាក្រក់ នាំសេចក្តីសុខ និងសំណាងដល់អ្នកប្រើប្រាស់។ បើអ្នកដាក់កញ្ចក់ឲ្យបានត្រឹមត្រូវ នឹងនាំសំណាងឡើងទ្វេ ប៉ុន្តែបើធ្វើខុសវិញ គ្រួសារមានតែភាពច្របូកច្របល់។ ដូច្នេះ កញ្ចក់មិនគួរដាក់នៅក្រោមខ្នើយទេ ព្រោះវាអាចនាំសុបិន្តអាក្រក់ សំណាងអាក្រក់ និងបញ្ហាដល់គ្រួសារ។
វត្ថុមុតស្រួច៖ បើតាមគោលគំនិតហុងស៊ុយ ការដាក់វត្ថុស្រួចក្រោមខ្នើយអាចធ្វើឲ្យ yang qi ក្នុងផ្ទះខូចខាត ព្រោះវត្ថុទាំងនេះក៏អាចទាក់ទាញចេតនាសម្លាប់ដែលនាំមកនូវសំណាងអាក្រក់ដល់ម្ចាស់។ ជាងនេះទៅទៀត មនុស្សបុរាណជឿថា ការដាក់វត្ថុមុតស្រួចនៅក្រោមខ្នើយ ងាយស្រួលកាត់ផ្តាច់ស្នេហារវាងប្តី និងប្រពន្ធ បង្កើនលទ្ធភាពឱ្យជនទីបីលេចមុខ។
រូបថតអ្នកស្លាប់៖ ទោះអ្នកនឹកអ្នកស្លាប់យ៉ាងណាក៏ដោយ កុំដាក់រូបថតពួកគេនៅក្រោមខ្នើយរបស់អ្នក។ រូបថតគួរដាក់ក្នុងកន្លែងស្ងាត់ និងស្អាត ដើម្បីបង្ហាញការគោរព និងចៀសវាងប៉ះពាល់ដល់ភាពចម្រុងចម្រើនរបស់គ្រួសារ។
ប្រភព៖ បរទេស
ព័ត៌មានថ្មីៗ
