មនុស្សជោគជ័យ មានប្រាជ្ញាឆ្លាតវៃរកប្រាក់បានច្រើន តែងតែមាន ៥ ចំណុចនេះ
យោងតាមនរវិទ្យានិយាយថា មនុស្សដែលមានលក្ខណៈសំខាន់ៗទាំង ៥ ដូចខាងក្រោមនេះ ជាធម្មតាមានប្រាជ្ញាឆ្លាត មានស្មារតីល្អ ហើយតែងតែទទួលបានជោគជ័យ ក្នុងរបររកស៊ី ឬជំនួញជាដើម៖
ថ្ងាសខ្ពស់៖ យោងទៅតាមនរវិទ្យា ថ្ងាសគឺជាសញ្ញានៃបន្ទាត់តម្រង ដែលជាមេនៃអាជីព និងអនាគតរបស់មនុស្ស។ មនុស្សដែលមានថ្ងាសខ្ពស់ និងធំទូលាយ ជាធម្មតាមានភាពវៃឆ្លាត មានមហិច្ឆតា មានឧត្តមគតិ និងមានឆន្ទៈដើម្បីរីកចម្រើន។ ជាទូទៅក្នុងអាជីវកម្មដែលបង្កើតដោយខ្លួនឯង តែងតែអាចសម្រេចបានជោគជ័យតាមរយៈប្រាជ្ញា នឹងមានទ្រព្យសម្បត្តិ។
ត្របកភ្នែកធំ៖ មនុស្សដែលមានទីតាំងនេះទូលាយ ភាគច្រើនតែងបង្ហាញឲ្យឃើញនូវទំនាក់ទំនងជាមួយអចលនទ្រព្យ។ ជាពិសេស បើធំលាតត្រដាងទូលាយ ស្បែកស្ដើង និងគ្មានស្លាកស្នាម ងាយទទួលបានដីមរតក សមរម្យសម្រាប់ការជួញដូរអចលនទ្រព្យ រហូតអាចវិវត្តក្លាយជាអ្នកមានតាមរយៈអាជីវកម្មអចលនទ្រព្យ។
ចុងច្រមុះធំ៖ អ្នកដែលមានចុងច្រមុះមូល ស្បែកភ្លឺថ្លា គ្មានស្លាកស្នាម តែងតែទទួលបានលាភសំណាងល្អ និងរកស៊ីមានបាន។ ម្យ៉ាងទៀត បុគ្គលដែលមានច្រមុះធំ សម្បុរសជាទូទៅ មានទ្រព្យសម្បត្តិច្រើន ស័ក្តិសមក្នុងការប្រកបរបររកស៊ីជួញដូរ មានសក្ដានុពលខ្លាំងជាងអ្នករកស៊ី។
ចង្កាធំ៖ អ្នកដែលមានចង្ការាងមូលត្រូវបានគេនិយាយថា ដឹងពីរបៀបរកប្រាក់និងសន្សំ។ ប្រសិនបើពួកគេបើកអាជីវកម្មផ្ទាល់ខ្លួន ពួកគេអាចរកប្រាក់ចំណេញបាន ហើយកាន់តែសម្បូរសប្បាយ។ ម្ចាស់ចង្កាបែបនេះជាធម្មតារកបានប្រាក់ច្រើន ហើយមានជីវភាពធូរធារ មានចរិតទៀងត្រង់ មានប្រាជ្ញាវាងវៃ ហ៊ានធ្វើ។
ត្រចៀកធំនិងក្រាស់៖ មនុស្សមានត្រចៀកធំ និងក្រាស់ជាមេទ័ពភាគច្រើនតែមានមនុស្សថ្លៃថ្នូរជួយជ្រោមជ្រែងក្នុងជីវិតក៏ដូចជាការងារ។ ជាពិសេស អ្នកដែលមានត្រចៀកធំ ក្រាស់ និងខ្ពស់ ជាធម្មតាសាកសមសម្រាប់អាជីវកម្ម។
ប្រភព៖ បរទេស
ព័ត៌មានថ្មីៗ
